Novas do Servizo Municipal de Educación

• Xornada de portas abertas de deporte adaptado de tenis no IES Monte das Moas

  A Federación Provincial de ANPAs de Centros Públicos en colaboración coa Escola de Tenis Marineda organizan o xoves 22 de marzo esta xornada, que servirá como concienciación sobre a importancia de achegar o deporte a toda a poboación.

• A EIM de Monte Alto celebra o martes 20 de marzo unha charla-coloquio sobre a igualdade de oportunidades

  Co nome "Rosa e azul, son só cores. Pola igualdade de oportunidades", a pedagoga Miren Ansó dirixirá a charla-coloquio, destinada a pais, nais e membros dos equipos educativos das escolas municipais e centros de formación colaboradores.

• Conferencia de Isabel Fuster o 23 de marzo na EIM A Caracola sobre "A importancia da memoria emocional temperá"

  O 23 de marzo de 17:00 h a 19:30 h na EIM A Caracola, a psicóloga e experta en benestar emocional Isabel Fuster imparte na EIM A Caracola unha conferencia sobre "A importancia da memoria emocional temperá". É gratuíta e está dirixida ás familias da escola, profesorado e persoas interesadas.

• Aberto ata o 31 de maio o prazo de inscrición para o concurso "Sensores para todos 2018"

  Para inscribirse neste certame organizado por Igaciencia e o Concello da Coruña, hai que enviar un correo electrónico a secretaria@igaciencia.org cos seguintes datos: título do proxecto, autores (nome e apelidos, curso, centro educativo) e profesorado que coordina o proxecto (nome e apelidos, especialidade).

• Aberto ata o venres 9 de marzo ás 14:00 h o prazo de confirmación do calendario provisional de Rutas Urbanas Animadas e Itinerarios

  Os centros educativos dispoñen do calendario provisional coas rutas e itinerarios adxudicados, datas, horarios e servizo de transporte. A confirmación ou a solicitude de cambios e anulacións na adxudicación provisional debe facerse a través do enderezo electrónico educacion@coruna.es.

• Recuncho do xogo en Semana Santa nos centros cívicos municipais

  Actividades lúdicas para nenos e nenas de 4 a 12 anos, que se realizarán nos centros cívicos municipais durante os días 26, 27 e 28 de marzo de 2018.

• Intercambios de experiencias e coñecementos no proxecto Ecocomedores na EIM A Caracola

  O sábado 3 de marzo de 2018, a directora da EIM A Caracola, Beatriz Ferreira Varela, participa na mesa redonda "Experiencias de cambio de modelo alimentario en escolas de Galicia", da xornada de comedores escolares sustentables que organiza Biocultura.

• Publícanse as listaxes de persoas admitidas e excluídas na segunda convocatoria do Proxecto Acoreuropa VI

  O Concello da Coruña publica as listaxes de persoas admitidas e excluídas no proceso de inscrición da segunda convocatoria do proxecto Bolsas Europa FP-Proxecto Acoreuropa VI.

• Exposición "As 7 artes do mundo" de Luditarde, do 23 ao 27 de marzo no Fórum Metropolitano

  Esta exposición de arte recolle o traballo realizado por cada un dos cinco grupos de Luditarde do CEIP Ramón de la Sagra sobre cada un dos contidos ou manifestacións artísticas: teatro e dramatización, fotografía e cinema, música, literatura, pintura, escultura e arquitectura.

• O espectáculo "Paxariños" chegará ás nove escolas infantís municipais en marzo e abril

  Nesta actividade, organizada en colaboración co Servizo de Normalización Lingüística do Concello, a compañía Trinketrinke presentará o seu contacontos teatral dirixido a nenos e nenas de 1 a 3 anos nas escolas infantís Arela, Monte Alto, Agra do Orzán, Carricanta, Os Rosales, Luis Seoane, Os Cativos, Carmen Cervigón e A Caracola.

Volver a PORTADA